Surat Batan Dang Anoa

Bismillah…

Assalamu’alaykum Wr.Wb.

Surat ini batan Gubernur Bengkulu, Agusrin M. Nadjamudin.

Sebelumau mohon maaf e, amu bahasau surat ini adau yang ndik benar. Soalau, aku ni tinggal di Manna cuman limau taun, sisahau aku tinggal di Bengkulu, sejak Emak nge Bapak kami pindah ke Bengkulu, waktu itu umur aku limau taun.

Amu katau Emak kami paghini, Emak kami tu jak di Anggut Manna, Sepupuan nge Emak dighi. Udim tu datuk kitau duau beghading. Jadi, kitau ni sepuyang (satu Poyang). Itu retiau kitau ni masih sesanakan, amu katau jemau, namauau ni sepupu jauh. Amu katau Emak kami, dighi tu amu di dusuan dipanggil Anoa. Aku tu seharusau manggil Dighi tu dengan panggilan Dang. Jadi, aku panggil dighi di surat ni dengan panggilan Dang Anoa, au. 

Aku tu masih tenghingat setu dighi dicalonka dengan Partai Keadilan Sejahterah (PKS) waktu nak jadi Gubernur, hampir enam taun yang lalu. Sayang nian, waktu tu aku lum pacak miliah. Aku masih umur 14 tahun, kelas 2 SMP. Tapi, Emak nge Bapak kami semangat nanan mempromosika dighi tu nge tetanggau pasigh ngumah. 

Aku pernah mbacau majalah yang coverau tu foto dighi. Gagah nanan. Amu katau jemau dighi tu pengusaha sukses jak di Jakarta. Aku senang nanan dengar  kisah hidup dighi tu dulu. Soalau, aku sukau dengan jemau di galak kerjau keghas tu. Jadi, di majala itu, dighi pernah ngiciak amu nak merubah Bengkulu. Istilahau tu, nak majuka propinsi Bengkulu ni. 

Pernah pulau di Koran, waktu aku skul di SMP 1, kelas 2, aku bacau di perpustakaan. Adau foto dighi besak nanan sebesak Koran tu. Akhirau tertarik aku mbacauan. Nah, tambah kagum aku nge dighi tu, ternyata setu di dusun dulu, dighi tu memang anak cerdas udim tu la nemuka alat yang memudahkah kerjau petani guak dusun.

Waktu dighi masih remaja, dighi merantau ke Jakarta. Amu katau jemau, dighi tu pernah ngamen, kerjau jadi supir taksi, dim tu akhirau sukses, punya perusahaan nge nikah dengan jemau Jakarta. Alangkah beruntungau dighi tu. Trus tu, dighi baliak ke Bengkulu ngku pacak jadi Gubernur n pacak mbangun Bengkulu.

Sejak masau kampanye, aku tu yakin amu dighi tu pasti menang. Manau ndik, foto dighi tu dimanau-manau, manau jemau tu galak galau dengan program dighi tu. Pasangan dighi tu ustad pulau, manau jemau ndik galak amu luak itu.

Tapi, seiring bejalan waktu. Aku mulai besak dan mulai ngerti. Adau yang aneh dengan kepemimpinan dighi tu. Aku salut dengan mall dan wisata yang dgihi bangun. Tapi, adau jugau yang menghegamka. Dighi ngancurka beberapau tonggak sejarah di Bengkulu. Termasuk lapangan merdeka, alun-alun tugu monas Bengkulu. Sampai kini ndik jejadi.

Selain itu, jalan guak propinsi ni banyak nanan yang karut. Pecah nge belubang. Amu katau bos aku waktu aku kerjau dulu, jalan tu penentu kinerja pemerintahau, semakin besak lubang, semakin besak korupsiau. Dulu, aku ndik pulau ngamini au. Soalau aku lum pernah keluagh Bengkulu. Tapi, setu baliak jak di Jakarta, aku jadi tambah yakin, adau indikasi korupsiau pemerintahan dighi tu. Jalan di Jakarta tu ndik separah jalan yang adau di Bengkulu.

Akhirau, sejak aku masuak kuliah. Aku mulai ngerti, katau jemau dighi tu korupsi dana pajak sebesak 21,3 M. Masya Allah, alangkah besak titu, Dang! Batan tapau pulau titu. Tapi, amu katau Bapak kami, sebenarau jemau-jemau di bawah dighi tulah yang banyak korupsi. Makanyau, bapak kami ngup setu ditawari jadi kepala dinas kesehatan guak Manna. Takut korupsi, akhirau lebih milih jadi dosen biasau di skul tinggi. Dan aku syukuri pilihan Bapak ku tu. Dang, asal dighi tau sajau. Hampir segalau kawan aku yang aktivis nge non aktivis tu BENCI nge kaba. Mungkin termasuak aku yang mulai ndik pecayau agi nge dighi.

Setu dighi ncalon agi. Aku la ndik peduli agi. Bahkan aku berharap dighi tu ndik menang. Apaulagi setu dighi debat kandidat, dighi batak-batak kata “------“ Bukanau titu syirik, Dang? Dan aku paling benci dengan jemau yang menduaka Allah. Masau dighi ndik sadar, padahal di sebelah dighi tu ustad be gamis. Ya Allah, alangkah memaluka titu.

Tapi, setu penghitungan suarau, dighi menang satu putaran. Dan aku ndik senang samau sekali. Bahkan aku salah satu dari barisan aktivis yang ndik ndak ngizinka dighi tu dilantik. Walau aku ndik ikut aksi, tapi aku ndukung kawan-kwan aku tu. Aku sangat benci, ketika rombongan petugas kamu tu mbatak anjing batan nakuti-nakuti kawan-kawan aku. Ndiak luak itu gaek kitau di dusun tu ngajaghi kitau nge jemau lain. NDIAK PERNAH!!!

Akhirau, dighi jadi tersangka korupsi dana pajak 21,3 Miliar. Dim tu diadili di Jakarta. Kabar luar biasa didapatka, ternyata dighi di vonis BEBAS. Alangkah padek au dighi ni. Apau karnau dighi ni keturunan langsung Puyang Ratu, Jemau yang paling kuat guak Manna?

Adau indikasi kecurangan sidang kasus dighi tu. Apau lagi sejak Hakim Syarifuddin terbukti besalah dengan banyak kasus. Kemungkinan kasus dighi tu bakal di angkat lagi.

Dang, kitau memang ndik saling kenal. Karenau aku jemau Manna, banyak pulau di ngiciaka aku ni S.Ag. Tapi, aku ndik galak amu disebut S.Ag alias Sanak Agusrin. Karena ngapau? Karena aku ndik kenal langsung nge kaba, dim tu aku memaluan sesanakan dengan koruptor. 

Cubaulah dighi bacau kisah Rasulullah dan 4 khalifah dengan sahabat tu. Contoh si Umar. Diau rela manggul gandum tiap malam sekaligus jaga-jaga kalau2 adau rakyatau yang ndik makan. Sedangka dighi, jalan karut sajau asau ndik tekinak. Dighi la tinggal di rumah dinas Gubernur lebih jak di limau tahun, masau lapangan merdeka yang badahau adau di depan rumah dinas dighi tu, ndik dighi udimka? Kemanau sajau tanci tu dicapakka?

Dang, amu memang adau indikasi korup. Melah betobat. Aku ngicik luak ini, bukan karena aku lebih baik jak dighi. Aku ngiciak luak ini, karena aku sayang nge kaba, selaku muslim. Melah balik ke jalan yang benar dan lurus. Jangan pernah tepikir atau berlaku korupsi. Karena segalaunya bakal dipertanggung jawabka.

Bolehlah, dighi bebas di dunia. Tapi, akhirat? Wallahu’alam.

Dari, mahasiswi di Bengkulu.